[ad_1]
☢️URGENT: Rs 50 000/2 ANS PRISON☢️
À travers Government Notice No.59/05/20, le ministre de la Santé fine tire ene règlement sous Public Health Act – Section (79A) dimanche 17 mai asoir ek pé annoncé ki bannes sanctions pou ena a partir azordi lundi 18 mai si pas respecter la loi lors Covid-19.
Si ene personne pas mete mask en public c'est ene offense ek li pou paye ene l'amende ki ale ziska Rs 50 000 ek ziska 2 ans prison. Mask bisin couvert la bouche ek néné sak fois ene personne en public. Li applicable à partir ene zenfan 5 ans à monté. Seule place ou gagne droit pas mete mask c'est dans ou lakaz.
Toutefois, si ou pe roule ene loto ek ou tousel pe conduire ou bien tou passager dans loto la zot reste ensam dans ene lakaz avec ou, lerla mask pas obligatoire pou meter. Dans transport public : bus, métro, taxi, moto obliger mete mask.
À propos social distancing, si ene personne pas garde distance avec ene lot personne d'au moins 1 metre li pou fer ene offense. L'amende li ale ziska Rs 50 000 ek ziska 2 ans prison. Ene personne si li truv li dans ene la queue en public ou si li pe asizer dans ene lieu public ou si li dans so place travay li bisin garde distance 1 metre avec ene lot personne.
Si ene personne ena ene zenfan moins de 12ans avec li, li pas obliger garde distance avec zenfan la. Pa blier aussi, craché en public c'est Rs 5000 l'amende ek 30 jours prison.
Sa bannes règlement la li applicable à partir dimanche 17 mai. La loi li déjà en vigueur. C'est pas ene moment pou ale paye 50 mille la cour ek ale fer prison. La police ek ene bannes squad special pou fer bannes descente à travers l'île à partir azordi. Banla kan pou vini zot pa pou vine dire mais pou agir ! La loi fini sanzé ek aster li pli sévère. Pas so l'heure pou fer fezère… 👈 Soyez vigilant lepep 😟 –
Source @Al khizr
[ad_2]
Source
Have something to say? Leave a comment: